فار التجارب

قابلت الخطيئه ف سكه رديئه
وكل اما اطفى تزيد الحريقه
طلبت المطافى وكانت بطيئه
ف ولعت مشاعرى واصبحت بيئه
ياكل اللى ماشى ف طريق الرزيله
عازمكوا ف حفله بميت الف ليله
وهابعت لشوشو كبير القبيله
هايشرح بنفسه أصول الطريقه
هلموا هلموا بغيث الفساد
يميناًيساراً ف كل البلاد
نخرب ندمر كمثل الموساد
ندبح نشرد ف ام الخليقه
ياماما افطمينا أوام امريكينا
ساعتها نبرطع مافيش لاوم علينا
مادمناحُساله وسافل ماضينا
مافيش حد يقطع ايديناالطليقه
نخطط ونرسم ندمرحياتهم
نقفل مصانع نخرب دماغهم
ننسون ولادهم ندمربناتهم
بموضه ركيكه بأفلام بذيئه
خضارهم نسرطن ومائهم نعطن
ونقطع خلفهم ده لو حاولوا أصلاُ
ونلعب ف دينهم نوسوس نشيطن
مافيش أحلى منها السموم البطيئه
باموت فيك حقيقى ياشعب انهزامى
ياأسوأسلاله لأعظم أسامى
وبعشق برودك بلاش تبقى حامى
وخليك مطاطى وكل ف العليقه
باحس ف غباوتك براعةذكائى
ياكائن هلامى يابرص أستوائى
يافار التجارب وايه لسه باقى
بافكر أسيبك لمخك دقيقه