قصيدة قولوا لها

قصيدة قولوا لها
قولوا لها القلب همه يشيله
هموم قلبي به ورود و مصادير

وقولوا لها البعد ما هد حَيله
... واقف على هامت جبل كنه النيّر

وقولوا لها مؤمن وقلبه دليله
راضي على مايفعلن المقادير

وقولوا لها البارق اللي تخيله
ما حط ماه ولا وراه التباشير

وقولوا لها ما عاد فاليد حِيِله
هذا قدرنا وما على العبد بيصير

وقولوا لها مافات تحفظ حصيله
والسر لا يطلع على طيت البير

وقولوا لها لا تصير مثل الجليله
اخذت كليب و عافها سالم الزير

وقولوا لها لاشب راس الفتيله
تحرص على لب العقل قبل لا يطير

وقولوا لها رمح الغدر لا تشيله
مقباس شر ولا ورى شيلته خير

وقولوا لها عمر الشقي كم ليله
تراه عمر ٍ يورده في زمهرير

وقولوا لها الكذب اكبر فشيله
معروف ان الكذب له حبل ٍ قصير

وقولوا لها ترى الهوى فيه ميله
وكم ميلة ٍ تعقب وراها مخاسير

وقولوا لها ستر الحيا لا تزيله
هو حشمة الانسان في نظرة الغيرمشاهدة المزيد